AS ELECCIÓNS EUROPEAS DO 7 DE XUÑO DE 2009 NA COMARCA DE MUROS-NOIA

(Foto: X.R. Alvite - LVG 02/06/09)
Espacios públicos reservados para propaganda electoral no concello de Mazaricos


Estas eleccións europeas nas que a abstención foi superior ao 50 % supuxeron un aplastante triunfo do Partido Popular. Tanto no conxunto de Galiza, con máis 49 % dos votos emitidos, como na provincia da Coruña donde obtiveron cáseque o 51 % dos votos. Na comarca de Muros-Noia a victoria do centro-dereita resultou aínda máis clara que no resto do país. Ao igual que ocurrira nas pasadas eleccións de marzo o PP logrou conseguir máis de un de cada dous votos dos que se emitiron na nosa comarca. O Partido Popular obtivo máis do 54 % dos votos da comarca de Muros-Noia.

O PP consegue no concello de Mazaricos os seus mellores resultados, obtendo máis de dous de cada tres votos emitidos neste concello. A pesar de que Mazaricos solo representa aproximadamente o 8% do electorado da comarca. O PP foi quen de obter neste concello máis do 10% do conxunto dos votos que o PP consegue na comarca de Muros-Noia.

Os piores resultados do Partido Popular foron os do Porto do Son. Donde a pesar de obter máis do 47 % dos votos, neste concello os populares quedaron máis de seis puntos porcentuais por debaixo da media do Partido Popular na comarca.

O PSdG-PSOE obtivo o 30 % dos votos da comarca de Muros-Noia. Quedando tres puntos porcentuais por debaixo das porcentaxes socialistas na provincia da Coruña e no conxunto do país.

Os mellores resultados socialistas son os do concello do Porto do Son. Donde o PSdG-PSOE recibe máis de seis puntos porcentuais por enriba da media da comarca. Pola contra, no concello de Mazaricos o PSdG-PSOE apenas obtén un de cada cinco votos emitidos neste concello.

O BNG acada un discreto 11 % dos votos da comarca de Muros-Noia. Sen embargo estes malos resultados son mellores que os números conseguidos polos nacionalistas tanto na provincia da Coruña como no conxunto de Galiza. Xa que o BNG nestas eleccións non foi quen de superar o 10 % dos votos nin na provincia da Coruña, nin no conxunto de Galiza.

Os mellores resultados do BNG son os obtidos no concello de Muros con cerca do 15 % do electorado, tres puntos porcentuais por enriba da media comarcal e catro máis que a media do país. A pesar de que o concello de Muros representa o 18 % do electorado comarcal, os votos obtidos polo BNG en Muros supoñen o 23 % dos votos totais dos nacionalistas na comarca de Muros-Noia. No concello de Mazaricos, os números do BNG sitúanse por debaixo da media de votos obtidos polos nacionalistas tanto na provincia da Coruña como no conxunto de Galiza.

ver os resultados das eleccións (...)

No hay comentarios:

 
Esta web apoia á iniciativa dun dominio galego propio (.gal) en Internet