AS ELECCIÓNS MUNICIPAIS DO 22/05/2011 EN MUROS

O PSOE resultou o gañador das eleccións municipais do 2011 no concello de Muros acadando 2282 votos. Que supoñen o 41% do electorado. O que significa que vai ter 6 concelleiros na vindeira corporación. Practicamente igualando os números conseguidos no ano 2007. En comparación con este ano, o PSOE logra aumentar os seus apoios en Muros, Torea e Tal. Baixando significativamente en Esteiro.
Os socialistas consolidaron a súa victoria electoral nas parroquias de Serres e Muros nas que conseguiron máis do 50% dos votos emitidos. Supoñendo tamén estes votos máis da metade dos que lograron en todo o concello. Nas outras parroquias o PSOE acada en todas elas máis de un de cada tres dos votos emitidos salvo en Esteiro donde quedou en último lugar conseguindo o 20% do electorado.

O PP logrou catro concelleiros con 1762 votos. Cáseque o 32 % do electorado. Subindo un concelleiro na nova corporación. E mellorando en máis de seis puntos as porcentaxes acadadas en 2007. Subindo o número de apoios en todas as parroquias salvo en Tal.
Para os populares as parroquias máis favorables son Louro e Esteiro. Donde conseguen gañar cadansúa mesa e melloran sensiblemente a súa porcentaxe total do concello ata superar o 35% dos votos. Pola contra en Tal, o PP queda no 24% dos votos emitidos.

O BNG consigue tres concelleiros con 1508 votos. Aproximadamente o 27% do electorado. Perdendo un concelleiro e tres puntos porcentuais con respecto ás eleccións de 2007. Baixando o número de apoios en todas as parroquias menos en Esteiro e Tal.
O resultado do BNG resulta especialmente significativo nestas parroquias. Acadando cáseque o 44% en Esteiro, o 38% en Tal e na Abelleira o 36%. Supoñendo os votos destas tres parroquias máis do 50% dos votos nacionalistas. Mentras que nas parroquias de Muros, Serres e Torea o BNG non logra superar a barreira do 20% do electorado.